SEO nədir?

İnternetdə hər gün milyardlarla axtarış edilir. İnsanlar məhsul almaq, xidmət tapmaq, hər hansı problemi həll etmək və ya sadəcə məlumat əldə etmək üçün ilk olaraq axtarış sistemlərinə müraciət edirlər. Əgər sizin vebsaytınız həmin nəticələrdə görünmürsə, potensial müştərilərinizin böyük hissəsini rəqiblərinizə uduzursunuz. Məhz buna görə SEO (Search Engine Optimization) rəqəmsal marketinqin ən vacib istiqamətlərindən biri hesab olunur. Google hər gün milyardlarla axtarışı emal edir və internet istifadəçilərinin böyük əksəriyyəti məlumat axtararkən məhz axtarış sistemlərindən istifadə edir.

SEO sadəcə açar söz yerləşdirmək demək deyil. Bu, istifadəçiyə daha yaxşı təcrübə təqdim etmək, axtarış sistemlərinə həmçinin süni intellektlərdə saytınızı düzgün tanıtmaq və uzunmüddətli şəkildə davamlı trafik əldə etmək üçün həyata keçirilən kompleks optimizasiya prosesidir. Düzgün qurulmuş SEO strategiyası reklam büdcəsindən asılı olmadan illərlə davam edən orqanik ziyarətçi axını yarada bilər. Elə buna görə də həm kiçik bizneslər, həm də dünyanın ən böyük şirkətləri SEO-ya milyonlarla dollar investisiya yatırırlar.

SEO sözünün açılışı

SEO ifadəsi Search Engine Optimization, yəni Axtarış Sistemlərinin Optimizasiyası mənasını verir. Burada məqsəd Google, Bing və digər axtarış sistemlərinə vebsaytın mövzusunu daha yaxşı anlatmaq və istifadəçilərin axtardığı sorğular üzrə mümkün qədər yüksək mövqedə görünməkdir.

Sadə bir nümunəyə baxaq. Təsəvvür edin ki, Bakıda fəaliyyət göstərən bir stomatologiya klinikanız var. İstifadəçi Google-da “Bakıda diş həkimi” yazanda ilk səhifədə görünmək istəyirsiniz. SEO məhz bunun üçün görülən bütün texniki, məzmun və marketinq işlərinin ümumi adıdır.

Bir çox insan SEO-nu yalnız Google üçün optimizasiya kimi qəbul edir. Əslində isə SEO ilk növbədə insanlar üçündür. Google-un məqsədi istifadəçiyə ən faydalı nəticəni göstərməkdir. Siz də məhz istifadəçinin ehtiyacını daha yaxşı qarşıladığınız zaman Google sizi daha yüksək sıralarda göstərməyə başlayır.

Axtarış sistemləri necə işləyir?

Google saniyələr ərzində milyonlarla nəticə göstərsə də, bunun arxasında olduqca mürəkkəb alqoritmlər dayanır. Ümumilikdə proses üç əsas mərhələdən ibarətdir:

Crawling

Google botları internetdəki səhifələri davamlı olaraq gəzir və yeni məzmunları aşkar edir. Saytınız düzgün daxili keçidlərə malik deyilsə və ya texniki problemlər varsa, botlar bəzi səhifələri ümumiyyətlə tapa bilməyə bilər.

Indexing

Tapılan səhifələr Google-un indeks bazasına əlavə edilir. Əgər səhifə keyfiyyətsizdirsə, təkrarlanan məzmun ehtiva edirsə və ya texniki səhvlər varsa, indeksə daxil edilməyə bilər.

Ranking

İstifadəçi sorğu yazdığı zaman Google yüzlərlə sıralama faktorunu qiymətləndirərək ən uyğun nəticələri təqdim edir. Burada məzmunun keyfiyyəti, saytın sürəti, mobil uyğunluğu, istifadəçi davranışı, backlink profili və digər siqnallar birlikdə nəzərə alınır.